甄子丹昨日現身沙田馬場，為寶馬香港打吡大賽出任大使一職，同場還有陳爽、楊婉儀夫婦。子丹主演的《葉問3》在內地被揭票房造假，他表示：「自己有留意，以我理解，製片商黃百鳴賣咗唔同地區發行商，佢哋控制唔到，莫講我係演員，遇到呢個情況有啲遺憾，呢八年拍咗葉問三集，破咗唔少紀錄，發生呢啲事對套戲唔公平，我贊成要有公平制度，做演員做好自己責任，盡心盡力拍完後做宣傳，發行我唔識，冇得監管，亦都控制唔到。」
對於好拍檔熊黛林將嫁人，子丹表示戥她開心：「咁多年終於搵到幸福，試過同佢拍完嘢返香港，佢老公嚟接機，佢終於搵到佢現實中嘅葉問。」
採訪：卓寶花
攝影：陳順禎