近日天氣唔穩定，時熱時冷，落雨又大霧，相信好多人好似費清咁覺得心情「奄悶」，打開衣櫃更加惆悵，事關屋企太潮濕，件件衫都好似有層濕氣，隱約仲好似有霉味，朋友喺whatsapp傳授簡單防潮方法，希望幫到手咁話。
費清做《蘋果日報》，老友笑稱紙媒不死，因為舊報紙有吸濕作用，放舊報紙入衣櫃，可以吸走濕氣；佢又話在抽屜底層鋪白紙，都有作用，因為紙章可以吸濕氣，不過要記得不時更換新白紙，係最方便嘅除濕用品。 此外，亦可以廢物利用，可以用隨包裝食物附有嘅防潮包，放入衣櫃就可以；而茶包都可以吸濕，因為茶葉係好有效嘅乾燥劑。市面好多防潮用品以含備長炭物質招徠，老友話其實一般燒烤炭都好有效吸濕，用盒裝或用薄布包好幾塊炭，放入衣櫃就可以，最好隔個星期就拎炭出嚟曬太陽，去除濕氣，可循環再用，好環保。
＃要生計，也要生活＃毋忘初衷 費清