港女注意嘞，獲封男神嘅青年事務委員會主席劉鳴煒MW，處男下海！聲稱以前完全未跳過舞嘅MW，會喺4月16日於沙田大會堂舉行嘅「YO Dancical協青街舞劇2016」擔任客串嘉賓。
噚日劉鳴煒為此綵排（圖），可能仲未慣，MW跳得似乎有啲生硬，相信要再惡補一番！
MW話接過呢個邀請後，除咗要跟舞蹈導師阿齊練基本功，仲要喺辦公室甚至浴室惡補練習，佢話跳過街舞先知唔簡單，強調要成功真係要付出、努力兼犧牲，表明跳街舞絕對唔係廢青。
好戲量創團藝術總監楊秉基應邀任編導，將街舞結合戲劇帶畀觀眾全新體驗，主題《是師？是徒？》嘅街舞劇係講述師徒間嘅故事，互相仿效兼成為對方嘅一面鏡子。