一年一度打吡大日子各方關注，南非騎師綽號「小雷神」之雷景勳這天以最實際兼有效方法，幫自己宣傳兼吐氣揚眉，佢於第一場五班1400米，以苗禮德旗下的「飛擒」爆半冷攞頭彩，取得個人在港出任公司騎師以來首捷，一對南非騎練在今年打吡日先聲奪人，而「飛擒」苦戰兩季跑到第12仗亦告開齋，單Win及組合獨贏A2，分別派91及24元正。
順帶一提，雷景勳此行除了「飛擒」贏馬之外，其餘時間最叻跑第三未入過Q，如今開齋後壓力消減，往後日子可能會多咗機會入Q都唔定。而可能之前雷景勳手風欠順心情欠佳，今次破悶局非常激動，賽後情不自禁在凱旋門與太太維多利亞(Victoria)嘴嘴起來。
今場二至四名有熱有冷，跑第二係大熱門由巫斯義策騎的「知道勝」，一對冷馬「行星」及「金鎗俠」分獲季、殿軍，四重彩派十萬一千幾。