美職聯都算係好多老鬼退休前最後嘅掘金聖地，好似前利物浦隊長謝拉特（小圖），就第二季效力洛杉磯銀河，不過唔好以為美職聯就輕鬆好多，上周六銀河主場對聖荷西地震，謝四只踢咗三分鐘就拉傷咗小腿，要由巴治奧胡斯迪入替，好彩銀河都靠薩迪斯梅開二度同羅比堅尼埋齋，以3:1勝出。銀河賽後就冇講謝四傷幾耐，不過就話剛好踏入國際賽期，有兩星期休息，應該夠時間俾佢唞唞。