上周六舉行嘅世界室內田徑錦標賽，中國三級跳選手董斌憑第五跳跳出17.33米，以0.19米力壓德國嘅赫斯奪冠；佢除咗為中國喺今屆賽事贏得首面金牌之外，亦成為中國喺室內世錦賽史上第三個金牌得主。至於男子七項全能賽就由美國選手伊頓以總分6,470分奪金，實現三連霸嘅美夢；咁啱佢老婆菲爾遜喺前一日嘅五項全能奪冠，夫妻檔首次喺國際大賽同時贏得冠軍。另外，香港嘅林安琪喺女子60米跑小組賽，以7秒54得第六名，無緣晉級次圈。