方皓玟近日為演唱會四出做宣傳，早前接受了商台《1圈圈》訪問，提到被指整容，與官恩娜撞樣，她表示：「我冇需要整容，亦從來冇整過容，呢單新聞係記者明益我！首先，我覺得官恩娜好靚，人哋話我同佢似，我反而多咗工作，我係賺晒！」
至於與城城的緋聞，方皓玟指二人早已相識：「我哋有共同朋友，只係食飯，佢人好友善，唔會特別覺得人哋追我，我都唔會幻想啦。」單身的她自言小時候愛運動型男士，但現在的理想對象有改變：「我比較欣賞對社會有抱負嘅人，最好就斯斯文文。係啦！我好欣賞新當選嘅立法會議員楊岳橋，不過聽講人哋有女朋友。」
撰文：唐如