領展商場嘅食肆換完又換，一次比一次貴，人所共知。原來大埔太和廣場入面一間屹立咗26年嘅大家樂會喺下周一（14日）結業喇，八方收到風，接棒嘅會係走差唔多路線嘅大快活。大埔區議員周炫瑋話，太和廣場二期商舖將會一間接一間咁執，包括屈臣氏，好多居民都擔心名店進駐，出街食飯都畀唔起錢呀！
太和廣場二期大家樂早前喺門外貼出告示，話店舖「無奈地」要停止營業，顧客如要幫襯，最近要去到寶鄉街德信大樓嘅分店。周炫瑋同八方講，商場二期有10幾間舖，𠵱家接近三分之二都貼咗告示話會執，令人憂慮領展會重整商場，佢仲話，好多街坊聽到呢個消息之後，都覺得好唔開心。