張敬軒前晚在澳門開騷，大病初癒的他狀態回勇，老友王菀之則繼續任嘉賓。軒仔在台上自爆新年期間返廣州，有熱心親戚安排他相睇，不停安排女仔坐在他身邊。
軒仔笑言：「佢哋叫啲三唔識七囡囡坐埋嚟……係妹妹先啱，原來係安排相睇，仲大讚我係絕種好男人，我心諗絕咩種，有得配種㗎嘛！」台下即有歌迷大叫：「我又配。」軒仔聞言即說：「𠵱家啲女仔咁豪放，周圍搵人配種。」其後軒仔接受傳媒訪問時續笑說：「我哋呢啲優良種暫時未搵到合適人選，我屋企啲狗可以配種，我啲種未成熟，可以再等第二春，最緊要係身體健康，男人幾時配種都無所謂。」
採訪：王連連
攝影：沈健程