獨立議員黃毓民昨力撐本民前梁天琦，陪同梁到多個新東主戰場站台（圖），一向擅於演講的黃毓民，到達大埔為梁天琦拉票時罕有「甩轆」，竟將「踢走周浩鼎」口號，嗌錯成「踢走梁天琦」，令身旁的熱血公民成員鄭松泰和梁天琦即場嚇一跳，現場數十名本民前義工亦不禁爆笑，黃毓民見狀即大感無奈，自嘲「唔係咁大家點會咁開心呢」，慨嘆自己「講錯嘢」，指「所以嗌咪嗌嗌吓會失常㗎，你哋知唔知呀？」