陳瀅、楊怡昨日與林峯、苟芸慧等到中環出席美容產品頒獎禮，穿吊帶連身裙的陳瀅，肩、頸、手臂及腋下都現敏感紅印，她說：「皮膚敏感，最初以為自己出水痘，去咗醫院睇醫生話係多種紅疹症，𠵱家重災區喺雙腿，今日專登着條長裙遮住，希望唔好生上面，因為靠塊面搵食。」男友何猷亨是否很心痛？陳瀅笑說：「公司同事心痛啲，我嚟緊有新劇上，又要做宣傳。」
鍾嘉欣傳秘婚
楊怡被指欲結婚生仔，會放棄與大台續約，她澄清：「合約傾緊，冇話唔續，希望日後工作輕鬆啲。」是否正籌備結婚？她說：「如果咁開心一定同大家講，承你貴言。」另外，有雜誌指鍾嘉欣本月與拍拖幾個月的圈外男友於溫哥華秘婚，更懷孕三個月，楊怡表示沒有八卦。
採訪：卓寶花
攝影：陳順禎