【公審鉛凶】
【本報訊】鉛水聆訊專家證人驗出葵涌邨等非鉛水屋邨單位鉛水超標，但水務署以頭浸水無代表性為由拒重新驗水，代表鉛水居民的李柱銘狠批水務署嚴重失職，委員會主席陳慶偉不認同水署對葵涌邨水樣本的解讀，「睇落成條邨都似超標。」水務署副署長黃仲良堅稱現行制度合理，但會探討設立食水安全經理及提升食水含鉛標準。
官指政府小冊子出錯
黃仲良昨日出席鉛水聆訊，指當局依靠完工驗收喉管和房署人員擔任的工程認可人士去監管水喉物料，強調要相信認可人士，反指房署如做監督，水務署便毋須越管越多，鉛水事件後當局曾研究加入地盤突擊檢查，但可行性不大。
李柱銘質問黃仲良是否拒承認責任，黃無正面回應，重申現行制度合理，只是事前無察覺到相關風險，又指專家驗水結果與水署結果大致脗合，但被李狠批嚴重失職，「又唔肯再驗水，點解唔行多一步？你哋係後知但不肯覺！」陳慶偉更稱專家只是認為結果「廣泛地」脗合，實際有落差，葵涌邨較多水樣本超標，「你好多解釋，又話抽氣扇多塵，但我睇嚟係成條邨都超標」，陳又問李柱銘：「你係咪想話佢哋係故步自封，不思進取？」李柱銘認同。
政府於鉛水事件後推出小冊子向市民解釋鉛水問題，陳慶偉發現內文提及世衞每公升水含鉛10微克準則，是指60公斤重的人、70年間每日飲2公升該濃度的水亦不會明顯影響健康，但陳指該準則不適用於小童，直指資料錯誤。
■記者鍾雅宜