周秀娜昨日到鑽石山出席下個月舉行的「高跟鞋競跑大賽」記者會，娜姐稱家中擁過百對高踭鞋：「成日都同自己講唔好買咁多，但每次都總會搵到理由去買。」她指其中一對特別有意義：「嗰對鞋係第一次出糧買，好貴，用咗我半份糧，曾經着住佢做過好多工作，仲試過追巴士，𠵱家爛晒都唔捨得揼。」
談到自家內衣品牌生意，娜姐說：「深圳嘅分店啱啱裝修好，遲啲要上去望吓整成點，希望下半年有機會喺內地唔同地方再開。」她又稱近日留意到英國女星愛瑪屈臣（Emma Watson）宣佈息影一年專心做女權工作，感到很羨慕，問她會否考慮息影全力打理生意？她笑說：「唔會，除非嫁得出啦。」
採訪：曹家誠
攝影：陳俊強