【本報訊】部份激進本土派不斷宣揚以武力手段進行抗爭，李柱銘批評他們從沒講清楚，究竟武力抗爭想達到甚麼目的、如何可以爭取民主？強調雨傘運動獲港人及國際社會支持，是因為堅持和平非暴力，一旦和平運動變質為暴力，只會引來反效果，「（武力）永遠冇好結果，只會更加傷害社會」。
斥武力抗爭目的不明確
李柱銘明白年輕人為何對政府不滿，認為中央、梁振英封殺真普選，要對事件負責：「年輕人唔係咁搞，根本好有前途，大家開開心心去選舉就得，俾人告暴亂有坐監可能，有個案底都慘」。但李指黃毓民、陳雲等人提出本土思維，「睇唔到好（有）論述、（睇唔到）行呢條（武力）路香港會有民主」。
他曾與一些支持本土年輕人討論民主，發現他們也無法說清楚，究竟武力如何可以達至民主，「你想用武力，你想達到乜嘢目的先？佢（年輕人）好難答你，但呢個要面對群眾」。
李柱銘同意，泛民堅持和平路線未見成效，但不代表要走向武力甚至暴力，「好似入唔到波，都唔係要叫個龍門走上去打中鋒」，又指支持激進抗爭的黃毓民進立會多年，同樣爭取不到甚麼，「毓民都畀唔到條好嘅路行出嚟，多幾個好似毓民、咪多幾個抬出嚟，咁有乜分別？（抬走）反而仲少咗幾票！」
他強調暴力只會引發社會混亂，指雨傘運動獲港人及國際支持，全因運動堅持愛與和平，「一冇和平人哋唔會欣賞，雨傘運動可以話未成功，但冇失敗，一變武力就變咗質，變咗雨傘後用武力，永遠冇好結果」，認為一旦用武力，不但失去群眾支持，更會令香港爭取民主情況變得更差，「掟磚頭可能好快就23條（立法），咪仲差！」
■記者莫劍弦