Coffee林芊妤除咗gathering出晒名之外，佢嘅瑜伽功力都真係好勁，現時主力教瑜伽嘅佢，不時上載瑜伽片上網，去旅行嗰陣仲會影啲做瑜伽pose嘅相開心些牙。其實平時Coffee啲pose都已經唔少嘢，昨日佢仲挑戰人體極限，着住比堅尼擺蜘蛛俠嘅pose，重要唔係打棟踎，而係打側嚟，睇落好似係打側踎喺條柱上面，佢成個人都係靠隻左手支撐身體，神樣仲好鬼從容，佢話：「我想做蜘蛛俠！」呢個姿勢唔好話女仔，男人都冇乜幾個可以擺到，Coffee你係得嘅！