拍夜蒲題材，不其然會想起導演錢國偉，最近擅長拍小品的「MK活地阿倫」葉念琛突然興起加入戰團，去年招兵買馬，專揀鮮嫩索女埋身試鏡，新片《PG戀愛指引》除了愛將莊思敏被安插做一名脹爆過氣PG（Promotion Girl），更精挑細選了新一代性感尤物崔碧珈、長腿小姐岑日珈、性感出位的陳婉衡和用高度取勝的曾淑雅（Jumbo）在新戲擔任啤酒女郎賣肉演出。
電影《PG戀愛指引》是透過一班啤酒妹，探討時下年輕人的愛情觀，做主持和入行經驗比一班新秀豐富的莊思敏，客席擔任問答環節主持，探討她們對事業和愛情的看法。
撰文：非非
【Q1.喺娛樂圈搶focus係人之常情，點樣突圍而出又係一門學問，你哋又識得幾多？學到幾多？】
晒長腿搶Fo
岑日珈自信有一雙白雪雪的長腿，所以出席活動時，露背和短裙是她搶fo首選，但為工作做足準備都是必須的，她說：「任何嘢都要做好充足嘅功夫，咁人哋先會知道你係真心想來casting。」
靠身高取勝
5呎7吋高的Jumbo笑稱着高踭鞋在茫茫人海裏可以變成高人一等，令自己搶fo，但講到casting，她即刻認真起來：「可能casting嗰陣時睇吓個工作係關於啲乜，如果要斯文，梗係打扮上面，穿着、妝上面都會有少少唔同，wild啲，個妝可能嗰日都濃啲呀！」
放膽顯特點
上圍36E，人稱「崔Big瓜」的崔碧珈，有一樣殺人於無形的「胸」器，連主持人莊思敏都不抵得說：「你低胸啲咪得囉！」崔碧珈即刻反駁說：「唔關事，咁如果有角色係唔需要低胸嘅話，你去低胸可能人哋唔會揀你囉！我反而係盡量表現自己，都係放膽啲，唔好太緊張，如果佢要你一啲才藝表演，或者要你做一啲對答嘅時候，我覺得係盡量去放膽啲，反而唔使諗太多側邊嘅嘢，自然啲，咁樣會好啲。」
衣裝最重要
憑4吋事業線受人注目的後起之秀陳婉衡，對自己的外表相當注重，她說：「最主要係做好準備，譬如工作嘅話，記好晒同做好晒所有preparation，要keep住最弗先得，同埋我覺得着衫方面要啱自己身形嚟着，咁又唔係次次都要突嘅地方都要騷嘅，睇情況喇！」
【Q2.你哋會用乜嘢方法吸引心儀男士嘅注意呢？】
下廚煮幾味
陳婉衡性感出位，原來做住家菜是她的秘技：「我就會擺喺廚藝方面，放得入口，安全，唔會肚痛，男人都會鍾意女仔識煮番幾味咁。」
可愛補不足
非以身村作賣點的岑日珈，靠可愛取勝，她說：「希望可以用笑容喇！可愛啲，令到佢有一種好親和嘅感覺。」
從喜好入手
進擊的崔碧珈表示不會用性感做撒手鐧，竟然是講呢啲：「我會喺係性格嗰方面去吸引男仔喇！例如會留意吓嗰個男仔嘅喜好喺乜嘢，盡量會講啲大家共同嘅話題，變咗佢會留意到我細心留意過佢。」
找共同興趣
好動的Jumbo認為做運動、滴住汗是可以吸引男仔，她說：「我自己會做多啲運動，𠵱家啲男仔鍾意啲健康啲類型嘅女仔，因為好多男仔好驚啲女仔成日掛住扮靚呀！可能大家又冇乜共同興趣，好多男仔都鍾意做運動，咁識咗之後可能可以一齊去做運動、跑步，都可以好吸引人嘅！」
服裝：Sinequanone（莊思敏）
場地提供：Mini Club（尖沙嘴）