上周六上演三場澳職聯賽，球迷由晏晝睇到天黑，仲要場場都有唔少波入。頭場紐卡素噴射機迎戰威靈頓鳳凰，上半場已經出現三個入球，結果主隊喺半場落後1:2劣勢下，易邊後連入兩球反勝3:2。中間場悉尼打吡戰，近況麻麻嘅FC悉尼靠對方守將占美遜擺烏龍，以1:1逼和西悉尼流浪者。尾場珀斯光輝（藍衫）主場對布里斯班獅吼仲誇張，主隊半場已經領先4:3，開個900倍半場「主其他」波膽，更以6:3大勝獅吼，開埋個50倍全場「主其他」波膽。