阿士東維拉後衞尼史葛之前吞六蛋後上載平治相引起球迷批鬥，點知禾夫斯堡前鋒賓特拿都係冇吸取教訓，日前中堅賓又上載自己架平治相去Instagram（圖）。原本禾堡喺歐聯作客贏真特，應該冇咩問題，好衰唔衰禾堡嘅母公司係福士汽車，同平治打緊對台，賓特拿竟然走去宣傳對家品牌。禾堡主席阿洛夫斯講明中堅賓犯咗錯，將會受到處分，賓特拿下次真係要醒少少嘞。