王灝兒（JW）和陳法蓉昨日在沙田出席慈善步行籌款活動，對於前老闆黎明近日在facebook開專頁，上載了不少自拍片而被人發現風趣一面，JW聞言後笑說：「我有睇過呀，佢係一個nice同鍾意講笑嘅人，不過工作嗰陣就好認真，工作以外好relax。」再問她以前又有否試過聽不懂黎明的金句？她說：「如果唔明會唔記得，佢好鍾意用古仔表達意思，所以大家聽出嚟會好玄。」她亦透露農曆年有打電話向對方拜年。
陳法蓉透露在農曆年期間四出𢭃利是，她還說：「我啲朋友最關心婚姻狀況，個個叫我𢭃埋今年就夠，但今年市道好差，利是錢比以前少咗1/3，我會將啲利是錢全數捐去慧妍雅集，相信嚟緊籌款會好吃力。」
採訪、攝影：黃曉妍