練馬師蔡約翰近期攻勢一浪接一浪，尤其沙田賽事更加明顯，近十次田戰蔡廐九次有馬贏，近四次更例贏兩場或以上。今期(21日)蔡廐參戰馬中，第四場四班1400米之「精算追擊」起用莫雷拉執韁，另外「首飾太陽」出戰香港經典盃，有機會替倉主起孖兼捧盃。
蔡約翰與莫雷拉在近兩次田戰所合作之「育成寶寶」、「澳斯卡」及「魔連奴」悉數贏馬，勝出率100%，可見合作貴精不貴多，今次蔡廐馬中獨「精算追擊」由雷神操刀，出擊意圖非常明顯，上仗配何澤堯大熱三甲不入，今次加強配搭及抽1檔，有贏過的1200米唔報，選擇增程上陣，睇部署應胸有成竹。
至於「首飾太陽」新勝四歲馬系列首關經典一哩賽，今次出爭次關香港經典盃，當然希望再下一城，此駒評110分全場最高，跑平磅賽贏晒級數，對手多屬蹄下敗將，大有機會再下一城。