香港地邊個可以hea？（喂，「扮」工都可以好忙的）工作到天昏地暗時，垃圾食物係心靈慰藉，越忙越肥，灰！知你忙到無停手，但其實有時只消幾秒就可以讓你食少啲，肥少啲。
5秒：嗅香蕉味
索一索青蘋果、香蕉或啤梨可以降低食慾。原來有研究發現嗅嗅生果氣味會令人潛意識地想選擇吃健康的食物，令邪惡的美食無咁誘惑。如果你覺得放堆生果喺辦公室惹烏蠅，可以選擇帶備含乳木果油的護手霜，索了都有類近功效。
15秒：幻想喪食
好想好想好想享受暴飲暴食的快感？諗吓好喇。原來諗吓真係可以減低食慾。有研究人員找來一批人幻想吃3至30粒朱古力，再邀他們「試味」。結果幻想吃了30粒的，最後吃最少。食嘢前先發個食嘢白日夢啦！
60秒：吃硬核果
有研究發現有硬核的水果，例如布冧、水蜜桃、桃駁梨含豐富酚類化合物，能有助送走肚腩，另有效降低膽固醇，當零食吃一流。
資料來源：Time Magazine
記者：葉青霞