施念慈前夫陳鴻業昨晚現身銅鑼灣香港足球會，參加慈善拳擊比賽。他透露自己是首次上擂台，事前並沒有操練過。他笑言：「今晚都有好多朋友嚟撐我場做善事，其實我冇打開拳，所以我都驚有損傷，但希望唔好咁傷，唔好打面，不過養和（醫院）都好近啫！」問到可有培養兩個兒子做運動，陳鴻業表示：「佢哋好active，我平時都有陪佢哋睇運動節目，佢哋就鍾意踩單車、劍擊同游水。」昨日原來是陳鴻業正日生日，陳鴻業太太鄭詩韻都有到場支持老公。她講笑說：「佢嘅生日，咪睇佢俾人打囉！」採訪、攝影：卓寶花