吳若希昨日在銅鑼灣出席曲奇義賣活動，日前她在電台訪問上透露在情人節收花，問到對追求者的感覺？吳若希說：「呢排好忙呀，未有相處時間，等我有機會慢慢了解吓先，我覺得搵男朋友最緊要有愛心。」再問元宵會怎度過？她笑說：「嗰日要團拜，亦都冇時間買禮物，不過我對呢啲節日冇概念，所以唔會慶祝，到時可能約朋友打牌，總之我𠵱家係單身，冇拍拖。」笑問吳若希是否自行幻想這個追求者出來？她笑說：「唔答喇，總之我同男朋友係講心唔講金。」
曹敏莉的胞妹曹敏寶亦被問到有傳她與TB拍拖，她說：「我哋係朋友，識咗好多年，唔係拍拖，不過我自己唔介意人哋誤會，睇大家點睇，亦都唔抗拒同性戀，呢樣我係接受到。」
採訪、攝影：黃曉妍