自從黃之鋒同學民思潮公開計劃組黨同埋部署派人參加9月立法會選舉，好多傳媒都即時訪問佢，想知佢新動向，昨《紐約時報》刊登咗之鋒訪問，原來佢除咗組黨、參選外，仲計劃要推動香港自決公投。之鋒係訪問入面話，新黨關心2047年後香港出路，所以計劃用大約10年時間，推動香港自決公投，讓選民決定香港係唔係從中國分裂出去。至於佢自己係咪支持香港脫離中國？之鋒就話要視乎北京，若香港係中華人民共和國的管治下，可以實現民主自治，佢覺得可以留低，否則只會逼更多人選擇獨立。