龍小菌於情人節拿着一支玫瑰花玩selfie，還貼相上facebook並留言：「祝大家人日快樂&情人節快樂！」怎知過了幾日，前晚卻在fb公開徵男友求終身伴侶，還詳列十大條件：「愛我、可以容忍我、專一、要有專長、最好不抽煙、我172高……」網友紛紛留言：「你咁靚女都要獨孤求拜？咪玩啦！」
小菌成為首個公開徵男友的藝人，她說：「自己一直搵緊啱嘅對象，嗰朵花係做嘢收到，已經年幾兩年冇拍拖，其實好細個已恨嫁，始終單親家庭，渴望有完整家庭，但冇話一定要簽紙，同居都冇問題。」是否在娛樂圈識不到好男人才公開擇偶？小菌說：「自己內向少少，好少主動識男仔，呢行有好多好男仔，但好多名草有主啦。」
採訪：皓騫