周潤發、劉嘉玲和劉德華昨晚在尖沙嘴出席電影《賭城風雲III》新春晚宴，未知是否受網民發起的杯葛事件影響，該片與周星馳的《美人魚》相比，中港票房均輸足成條街。昨晚被問到是否滿意票房時，發哥說：「我不嬲都冇壓力，總之比上一集好少少，已經有交代。」嘉玲笑說：「一額汗，三部都咁精采！」至於華仔最輕鬆，他笑說：「好開心，好耐未試過咁高票房，冇壓力！」
輸贏係過程
對於會否覺得輸給《美人魚》是美中不足？發哥大方地說：「冇所謂，我哋80年代開始已經拍咗好多賀歲片，有輸有贏，呢個係一個過程。觀眾眼光係雪亮，星爺冇拍3年，佢都有好多fans，見到美人魚係好正面，同以前嘅周星馳係好唔同，可能3年都係周潤發，大家都有啲「漏漏哋」。如果我得閒都會去睇吓，仲會睇埋另一套，鞏俐係我偶像，城城（郭富城）係我好喜歡嘅演員，我一定會買飛入場！」
劉嘉玲扮嬲
已經看過《美人魚》的嘉玲最初扮嬲，她笑說：「我好嬲，我哋唔應該輸，我係小女人！」但其後她坦言戥星爺高興：「見到佢哋票房，我覺得內地市場真係好大，好似話過咗21億，作為香港人，我好高興，亦都好戥星仔高興，相信呢3套電影嘅票房會過50億，作為香港人好驕傲。」聽到華仔表示覺得這數字對他來說感覺很遙遠，他更說：「對我嚟講已經贏咗，之前最高係《風暴》，但係都唔到4億。」發哥即安慰說：「你有機會，仲咁後生，第時做老闆搵我，我嚟撐你！」
採訪：盧妹
攝影：陳俊強