蘇亞雷斯離開咗利物浦都接近兩年，都仲係好受紅軍球迷愛戴，日前佢接受前利物浦隊友、已經退咗役嘅加歷查訪問。阿蘇除咗大談喺英超同西甲比賽嘅分別，亦好識做話仲好掛住英超，返嚟嘅話亦只會揀利物浦加盟。加歷查就順勢問阿蘇，不如等佢做紅軍領隊之後加盟；阿蘇就話畀三年時間佢。加歷查仲唔嗱嗱聲去考教練牌！