下星期一就係大年初一，人民力量嘅陳偉業、慢必陳志全噚日趁立法會仲有會開，於是帶埋揮春搵佢哋嘅「死對頭」、成日因為拉布同佢哋開火嘅民建聯鍾樹根拜早年，不過Tree根似乎唔多歡迎喎！雖然政見不同，但拜年咁吉利為乜拒人千里？原來大嚿、慢必拎住「勁點人數」、「拉倒惡法」、「流會大吉」揮春，走去向樹根拜早年，不過大嚿、慢必笑住拎過去，Tree根都係笑住應付。
不過唔知係咪望到遠處嘅黨友、建制派班長葉國謙望實佢，所以即刻「做嘢」，二話不說即場撕爛晒啲揮春，話要同呢班拉布人劃清界線喎！