【本報訊】財困賊疑年關難過，昨早持槍打劫尖沙嘴一間洋服珠寶店，多次大叫「真槍嚟㗎！」，但職員瞄一瞄即知是假槍，制止他搶首飾。賊人事敗逃走，途中被熱心巿民擒獲，當街騎住制服交警員拘捕。
記者：詹家志 梁澤岡
遇劫店舖位於尖沙嘴漢口道42號，主要經營西裝等洋服，兼售賣珠寶首飾，專做遊客生意。姓李（77歲）店東稱今次是開業以來第一次遇劫，幸未有損失，亦無人受傷。賊人姓陳（62歲），報稱有長期病患、無業、領綜援過活、且案底纍纍。
職員︰以為邊個同我玩
昨早約10時店舖開門不久，戴口罩的陳在店外「踩線」，見姓鄭女職員（64歲）在門口清潔櫥窗，他隨即拔槍指着鄭婦頸部，聲稱：「打劫！」多次大呼：「真槍嚟㗎！真槍嚟㗎！」鄭婦初時未為意，只係「以為唔知邊個同我玩」，瞄一瞄果見對方手持一支疑似的黑色手槍，即被賊人推進店內。
當時店東及另一名男職員在店內，各人見賊人神色慌張，欲伸手打開飾櫃搶走首飾，連忙上前制止。店東更撥走賊人架於女職員頸部的手槍，與對方糾纏，男職員亦上前協助。店東事後憶述指槍身過於新淨閃亮，故相信是假槍：「見有機會就格開賊人支槍，發覺呢個賊人冇乜力，過程都係10幾秒」，賊人見事敗逃出店外，循後巷往海防道方向逃去。
職員尾隨追出，沿途高呼：「搶嘢！」賊人穿過後巷走出海防道，剛巧海防道47號的一間珠寶鐘錶店門外，姓鄺男職員（27歲）正待開閘，聽到有人大叫搶劫，又見疑人匆匆跑過，立即從後擒賊騎在疑人身上，其時兩名警員接報趕至，拘捕疑犯。
目擊者梁先生稱︰「（疑犯）被按喺地上，俾人騎住，無得反抗，只係求饒『可唔可以放開我先？我有病』但冇人理佢。」警員在疑犯腰間發現一支懷疑手槍，隨即把它拿走丟在地上，用警帽遮蓋；軍火專家檢查相信是假槍。