摩連奴已經同曼聯簽咗約，將會喺下個球季取代雲高爾，成為紅魔新帥？西班牙媒體《El Confidencial》喺周五爆料，摩連奴嘅超級經理人佐治文迪斯，話自己已經幫摩連奴搵到份新工，有傳就係下季開始接掌曼聯。至於雲高爾執教曼聯，就不斷俾班球迷鬧佢搞到奧脫福每場都大踢悶蛋足球，完全搵唔到昔日英超冠軍嘅影子；而曼聯𠵱家喺聯賽只排第五，同榜首嘅李斯特城有10分嘅距離，戰績太差成為曼聯高層決定換帥嘅主因。