中超喺一月轉會窗威晒，巴西中場拉美利斯由車路士以2,800萬歐元（約2.4億港元）轉投江蘇蘇寧，但只係做咗標王一日，就被過檔廣州恒大嘅積臣馬天尼斯爬頭。拉美利斯周三首次代表蘇寧披甲，正選上陣即刻有波入，幫球隊友賽以2:0擊敗俄超安治。中超轉會窗仲有近成個月玩，據講蘇寧仲未收手，除咗由薩克達收購另一巴西兵阿歷士泰斯拿好事近之外，仲打算向英超曼城嘅耶耶托尼開出天價年薪3,000萬鎊（約3.4億港元）吸引佢加盟。