潮流興食蒸氣火鍋，曾活躍娛樂圈嘅向氏家族成員向華波，最近進軍飲食業大展拳腳，喺尖沙嘴開設巴馬養生蒸氣火鍋，前晚姪仔向展邦、向展威同姪女向詠彤率旗下藝人曾淑雅（Jumbo）、羅彩玲（Vivian）、趙詠瑤（Kimi）、麥家朗（Olivia）同陳健朗撐場，提早食團年飯做節。
Jumbo呻冇拖拍
眾人見到美食興奮大叫，Jumbo話：「呢個新興蒸氣鍋原汁原味，又冇油點食都唔肥，啱晒女仔食。」Vivian就話：「好豐富，希望新一年搵多啲，雖然自己熱戀中，但事業緊要啲。」冇拖拍嘅Jumbo話：「愛情已經放棄咗，𠵱家好多女仔都係事業型，我都向呢個方向發展。」Vivian安慰：「我幫你尋覓吓愛侶。」
久未露面嘅向華波擲200多萬元投資蒸氣鍋，有份食嘅Olive話最鍾意食海鮮同牛肉，Kimi就讚粥底好綿，阿朗就話食完鮑魚開開心心。
撰文：馮仁昭