錢唔怕多，總會有地方畀你使。皇家馬德里球星基斯坦奴朗拿度（C朗）估計一年總收入有成8,000萬美元（約6.2億港元），最近就考慮緊喺美國紐約置業，想買一個價值1.8億港元，有成3,700平方呎大嘅單位（圖），而呢間屋就曾經係美國總統候選人之一特朗普（Donald Trump）嘅父母所擁有。C朗想買嗰個單位，位於紐約第五大道附近，處於63樓，景觀一流，可以睇晒中央公園咁滯。