美斯已經諗緊辦法同阿富汗嗰位着「膠袋波衫」嘅五歲小朋友艾馬迪見面，據報雙方未決定到時間同地點，如果美斯去阿富汗，保安會係一大問題，所以大有機會係艾馬迪去西班牙，或者喺其他國家見面。艾馬迪雖然未見到美斯，但噚日先同阿富汗國腳見面同踢波。另外，阿根廷教練馬天奴周一話，美斯今夏會出戰百年美洲國家盃，唔會參加里約奧運。