周秀娜與辰亦儒最近合演網劇《美女公寓》，二人有吻戲兼埋身肉搏，不過場面不甚浪漫。劇情講辰亦儒幫倒忙扯爛娜姐件衫，而咀嘴戲其實是娜姐在車廂內為重傷的辰亦儒人工呼吸，另一場戲則是她不慎仆進辰亦儒懷抱咀到應，娜姐坦言覺得有點尷尬：「我要跌低瞓喺佢個身度咀佢，我覺得自己好猴擒，尷尬係咀戲要唔同角度360度錫勻，嗰一刻我真係懷疑佢會唔會賄賂導演，不過佢都幾好咀。」
提到被辰亦儒扯爛衫，娜姐笑說：「硬係最凍嗰日就扯爛衫，其實辰亦儒咁好身形，應該喺outdoor騷吓肌肉。」娜姐另一身份是拳擊手，有場單挑大隻佬戲，她表示拍完赤腳打擂台戲，慘變黑腳板。
撰文：陳以晴