CY喺最新一份施政報告宣佈委任楊德強做體育專員，八方都寫過啦，楊德強係運動健將嚟㗎，新職應該對佢嚟講冇難度！仲未正式上任嘅楊德強，噚日已經出動，以候任體育專員身份，陪政務司司長林鄭月娥到訪將軍澳香港單車館，為參加「國際單車聯盟香港世界盃場地單車賽」嘅香港單車隊運動員打氣（圖）。林鄭除咗喺場內探訪香港單車代表隊，亦多謝總教練沈金康及其團隊為香港爭取佳績而努力，佢仲趁機同香港單車手李慧詩等人傾偈交流。民政事務局局長劉江華原來亦喺噚日傍晚到訪單車館支持運動員，並為女子凱琳賽及世界盃分站冠軍頒獎。