倪晨曦和鍾晴前日出席美容品牌活動，二人即場示範凌空一字馬等多個高難度瑜伽動作。席間倪晨曦透露已與寰宇公司結束6年賓主關係。她說：「我哋係和平完約，𠵱家同朋友開公司，主要係製作一啲video。其實舊年我完成咗3個瑜伽course，嚟緊會考教練牌，希望自己開班教瑜伽，我唔抗拒教男仔，但就擔心佢哋上堂時會太瘋狂同唔專心。」
至於曾做過無綫《超強選擇1分鐘》嘅鍾晴，同樣表示自己新一年目標是考一個瑜伽教練牌，問到是否有意和林芊妤（Coffee）比拼一下，她即笑說：「我唔識佢，但知佢做瑜伽好叻，有機會都想交流切磋吓！」
採訪、攝影：卓寶花